Andy Murray, svjetski reket broj jedan, propustiće drugi ovosezonski Masters iz serije 1000, turnir u Miami-u.
Britanac se u saopštenju za javnost izvinuo svojim navijačima i simpatizerima zbog ovog čina objasnivši da zbog nezaliječene povrede lakta jednostavno nije spreman igrati sa 100% svojih mogućnosti na ovom turniru te se želi što bolje spremiti za šljakaste podloge.
Pored Murraya, čak je i nastup drugog reketa svijeta Novaka Đokovića upitan na ovom turniru prema nezvaničnim najavama pojedinih portala u Srbiji, s obzirom da i Đoković ima određenih problema sa povredom lakta.
Tako bi drugi ovogodišnji Masters u Miami-u mogao ostati već unaprijed bez oba najveća favorita, a turnir inače počinje 23. ovog mjeseca.
